*
*యాంకర్ వాయిస్*
విశాఖపట్నంలో ఎన్బీఎం న్యాయ కళాశాల మరోసారి ప్రతిభ చాటుకుంది.
ఆంధ్ర యూనివర్సిటీ శతాబ్ది వేడుకల్లో “ఉత్తమ అనుబంధ కళాశాల”గా ఎంపికై, మొత్తం ఐదు ప్రతిష్టాత్మక అవార్డులను అందుకున్న సంగతి తెలిసిందే.. ఈ విజయోత్సవాన్ని పురస్కరించుకుని సీతమ్మధారలోని కేఎస్ఆర్ ఫంక్షన్ హాల్లో ఘన కార్యక్రమం నిర్వహించారు.
ప్రిన్సిపాల్ డాక్టర్ బి. గాయత్రి ఆధ్వర్యంలో జరిగిన ఈ వేడుకలో పూర్వ ప్రిన్సిపాళ్లు, అధ్యాపకులను సన్మానించారు.డీన్ డాక్టర్ డీ.వి. రమణకు ప్రత్యేక అవార్డు, అసిస్టెంట్ ప్రిన్సిపాల్ డాక్టర్ ఎం. సత్యసాగర్కు ఉత్తమ ఉపాధ్యాయ అవార్డు లభించాయి.
పూర్వ విద్యార్థి డాక్టర్ వై. ఉమాశంకర్, విద్యార్థిని హిమబిందు కూడా అవార్డులు అందుకున్నారు.
ఈ సందర్భంగా డీన్ డాక్టర్ డీ.వి. రమణ మాట్లాడుతూ… న్యాయ విద్యలో విలువలు, నైతికత అత్యంత ముఖ్యమని… సమాజానికి న్యాయం చేసే న్యాయవాదులను తయారు చేయడమే తమ లక్ష్యమని తెలిపారు.
ఇప్పటి వరకు ఈ కళాశాల నుంచి 5000కు పైగా న్యాయవాదులు బయటకు వచ్చారని… పలువురు హైకోర్టు న్యాయమూర్తులుగా, న్యాయవేత్తలుగా కీలక స్థానాల్లో ఉన్నారని వెల్లడించారు.మరోవైపు, ప్రిన్సిపాల్ డాక్టర్ బి. గాయత్రి… ఈ విజయాన్ని మరింత బాధ్యతగా తీసుకుని భవిష్యత్తులో విద్యా ప్రమాణాలను మరింత మెరుగుపరుస్తామని స్పష్టం చేశారు.కార్యక్రమంలో న్యాయవేత్తలు, అధ్యాపకులు, పూర్వ విద్యార్థులు, విద్యార్థులు భారీగా పాల్గొని కళాశాల విజయాన్ని హర్షాతిరేకంతో అభినందించారు.