నిరాశ్రయులను ఆదుకోవాలి
— డాక్టర్ కందుల నాగరాజు
దయనీయ స్థితిలో జీవితాలను వెళ్లదీస్తున్న
నిరాశ్రయులను మానవత్వం ప్రతి ఒక్కరు ఆదుకోవాలని
విశాఖ దక్షిణ నియోజకవర్గం జనసేన నాయకులు,
32 వ వార్డు కార్పొరేటర్ డాక్టర్ కందుల నాగరాజు పేర్కొన్నారు.
గురువారం
ప్రపంచ నిరాశ్రయుల దినోత్సవం సందర్భంగా ఏ యు టి డి షెల్టర్లలో పని చేస్తున్న
సిబ్బందికి అల్లిపురం నెరేళ్ల కోనేరు వద్ద గలా తన కార్యక్రమంలో డాక్టర్ కందుల నాగరాజు ఘనంగా సత్కరించారు.
ఈ సందర్భంగా ఆయన మాట్లాడుతూ
తమ 32 వ వార్డులోని భీమ్ నగర్ అలాగే టి ఎస్ ఆర్ కాంప్లెక్స్ లో రెండు షెల్టర్లు ఉన్నట్లు వెల్లడించారు.
ప్రస్తుతం వీటిలో 180 మందికి పైగా ఉన్నట్లు తెలిపారు.
ఈ షెల్టర్లు ప్రారంభించినప్పటినుంచి నేటి వరకు
సుమారు
6,442 మంది అభాగ్యులకు పునరావాసం కల్పించడం జరిగిందన్నారు.
పోలీసులు కూడా రైల్వే స్టేషన్ తో పాటు ఇతర ప్రాంతాల నుంచి ఈ నిరాశ్రయులను తీసుకొచ్చి ఇక్కడ చేర్పిస్తున్నారని వెల్లడించారు.
ఈ షెల్టర్లు పారదర్శకంగా పనిచేయడం వలన చాలామందికి ఉపయోగకరంగా ఉన్నాయని అన్నారు.
ఏ యూ టి డి
సంస్థ డిల్లీలో నడుపుతున్న ఈ షెల్టర్లను చూసి రాష్ట్రంలో మొట్టమొదట 2012 డిశంబర్ లో వైజాగ్ లో జివిఎంసి సహకారంతో ఈ షెల్టర్లు ఏర్పాటు చేసినట్లు చెప్పారు.
ఆ తరువాత గత టిడిపి ప్రభుత్వ హయాంలో వైజాగ్ షెల్టర్లను చూసి అప్పటి సీఎం గా ఉన్న చంద్రబాబు గారి ఆదేశాలతో రాష్ట్రం అంతటా ప్రారంభమయ్యాయని అన్నారు.
ఈ షెల్టర్లలో పని చేస్తున్న సిబ్బంది సేవలను గుర్తించి వారిని సత్కరించినట్లు చెప్పారు.
ఈ కార్యక్రమంలో
ఏ యూ టి డి కార్యదర్శి ప్రగడ వాసు,ఆర్.పి.పి
వి.కీర్తి రెడ్డి, ఆర్.పి.పి పి.లావణ్య, శ్రద్ధా ఫౌండేషన్ ప్రతినిధులు హరీష్, గౌతమ్, మేనేజర్ జ్యోతిర్మయి, మేనేజర్ భాస్కర రావు,ధనలక్ష్మి, శ్రీనివాసరావు,
ప్రశాంత్ ఆచారి, జి వి ఆర్ మూర్తి తదితరులు పాల్గొన్నారు.