ప్రకృతి పంటల మేళా ను జయప్రదం చేయండి. #vvwnews

ప్రకృతి పంటల మేళా ను జయప్రదం చేయండి.
– డిసెంబర్ నెలలో 4 నుండి 7 వ తేదీ వరకు ఆర్గానిక్ మేళా
– జలగం కుమారస్వామి, జాతీయ కార్యదర్శి, భారతీయ కిసాన్ సంఘ్
ప్రకృతి వ్యవసాయ రైతుల పంటల మేళా ను జయప్రదం చేయండి అని భారతీయ కిసాన్ సంఘం జాతీయ కార్యదర్శి జలగం కుమారస్వామి పిలుపునిచ్చారు. శనివారం ఉదయం విశాఖపట్నం లోని ఆర్ కె బీచ్ లో కలిసిన విలేఖరులతో ఆయన మాట్లాడారు. డిసెంబర్ నెలలో 4 నుండి 7 వ తేదీ వరకు మేళాను ఆంధ్ర యూనివర్సిటీ ఇంజనీరింగ్ కళాశాల గ్రౌండ్ లో గో ఆధారిత ప్రకృతి రైతులు ఆరవ మేళాను నిర్వహించడం జరుగుతుంది అన్నారు. మనందరం కలసి ఆర్గానిక్ మేళాను జయప్రదం చేయాలని ఆయన కోరారు. అందరూ ఆర్గానిక్ ఆహారం భుజించి ఆరోగ్యంగా జీవించుదాం అన్నారు.
స్వచ్చాంధ్ర కార్పొరేషన్ డైరెక్టర్ నాగలక్ష్మి మాట్లాడుతూ ప్రకృతి ఆధారంగా పండిన పంటలను ఆహారంగా తీసుకుందాం, ప్రకృతి ఆధారంగా పంటలు పండించే రైతులను ప్రోత్సహించుదాం అన్నారు. ప్రతి ఒక్కరూ పర్యావరణ హితంగా జీవించుదాం అని పిలుపునిచ్చారు.
ఈ కార్యక్రమంలో ఆర్ ఎస్ ఎస్ రాష్ట్ర జాయింట్ ఆర్గనైజింగ్ సెక్రటరీ జనార్ధన్, విశాఖపట్నం జిల్లా అధ్యక్షులు పేరి రామకృష్ణ, గో ఆధారిత ప్రకృతి వ్యవసాయదారుల సంఘం జిల్లా అధ్యక్షులు దాట్ల సుబ్రహ్మణ్య వర్మ, మేడ్ గార్డెనర్ మాధవి, వ్యవసాయ శాస్త్రవేత్త అశోక్, సంకల్ప, అవని, సత్వా, పాలెం, తులసి ఆర్గానిక్స్ ప్రతినిధులు, ఐటీ ప్రతినిధులు ఎన్ నరేంద్ర, రిషీ తదితర ప్రకృతి రైతులు పాల్గొన్నారు.