దక్షిణ 35 వార్డ్ పండా వీధిలో అయ్యప్ప పడి పూజ నేత్రపర్వంగా సాగింది. మునిస్వామి అయ్యప్ప భక్తి పీఠం

దక్షిణ నియోజకవర్గం 35 వార్డ్ పండా వీధిలో అయ్యప్ప పడి పూజ నేత్రపర్వంగా సాగింది. మునిస్వామి అయ్యప్ప భక్తి పీఠం, బుచ్చ రామిరెడ్డి పీఠం సంయుక్త ఆధ్వర్యంలో నిర్వహించిన ఈ పడిపూజలో అయ్యప్ప మాల ధారణ చేసిన స్వాములు పెద్ద సంఖ్యలో పాల్గొని భక్తి శ్రద్దల నడుమ అయ్యప్ప భక్తి గీతాలు ఆలపిస్తూ పూజ నిర్వహించారు. ఈ సందర్బంగా బొచ్చా రామిరెడ్డి, నాయని కనకారెడ్డి, త్రినాధరెడ్డి మాట్లాడుతూ గత ముపై ఏళ్లుగా స్వామి మాలధారణ చేస్తున్నట్టు వెల్లడించారు. అయ్యప్ప మాల ధారణ స్వీకరించిన నాటి నుంచి నేటి వరకు దినదినాభివృద్ధి చెందుతు స్వామి కరుణాకటాక్షాలు పొందుతున్నట్టు పేర్కొన్నారు. 30 ఏళ్లుగా మాల దరిస్తూ, పడి పూజ, అంబలం పూజలు నిర్వహించుకుంటున్నామని తెలిపారు. ఈ కార్యక్రమం లో బొచ్చా శ్రీను, వెంకటరమణ, అలుపన కనకారెడ్డి, నాయుడు, లక్ష్మణ్, తరుణ్, మూర్తి, చిన్నారావు, ఆదినారాయణ తదితరులు పాల్గొన్నారు.