ప్రతి ఒక్కరికీ చట్టాల మీద అవగాహన కల్పించాలి – ఆర్ సన్యాసి నాయుడు, సెక్రటరీ, జిల్లా లీగల్ సర్వీసెస్

ప్రతి ఒక్కరికీ చట్టాల మీద అవగాహన కల్పించాలి
– ఆర్ సన్యాసి నాయుడు, సెక్రటరీ, జిల్లా లీగల్ సర్వీసెస్ అథారిటీ
ప్రతి ఒక్కరికీ చట్టాల మీద అవగాహన కల్పించాలి అని జిల్లా లీగల్ సర్వీసెస్ అథారిటీ సెక్రటరీ ఆర్. సన్యాసి నాయుడు పిలుపునిచ్చారు. సోమవారం రుషికొండ కు చేరువ లోని ఒక హోటల్లో ఏక్షన్ ఎయిడ్ కర్ణాటక ప్రాజెక్ట్స్ విభాగం సౌత్ క్లస్టర్ హెడ్ ఎస్తార్ మరియా సెల్వం అధ్యక్షతన నిర్వహించిన రీజనల్ వర్క్ షాప్ కి ఆయన ముఖ్య అతిథిగా విచ్చేసి మాట్లాడారు. బాలల హక్కులు, మహిళలు ఎదుర్కొంటున్న సమస్యలు, స్వచ్చంద సంస్థలు నిర్వహించాల్సిన అవగాహన కార్యక్రమాలు ఆయన వివరించారు.
డిప్యూటీ కమిషనర్ ఆఫ్ లేబర్ సునీత మాట్లాడుతూ అసంఘటిత రంగంలో ఉన్న కార్మికులు, మత్స్యకారులు, భవన నిర్మాణ కార్మికులు, విభిన్న వృత్తులలో ఉన్న వారికి తమ విభాగం ద్వారా అందజేస్తున్న సేవలను వివరించారు. స్వచ్చంద సేవా సంస్థలు బాల కార్మికులు నివారణ కోసం, మరిన్ని సేవలు అందించేందుకు తమ శాఖకు సహకరించాలని కోరారు.
స్వచ్చాంధ్ర కార్పొరేషన్ డైరెక్టర్ నాగలక్ష్మి మాట్లాడుతూ ప్రతీ ఒక్కరూ పర్యావరణ హితంగా జీవించాలి అని కోరారు, స్వచ్ఛ భారత్ లో ప్రతి ఒక్కరూ భాగస్వాములు కావాలని ఆమె పిలుపునిచ్చారు.