మేయర్ పదవి ఎన్డీఏ కూటమికే వస్తుందని సౌత్ ఎమ్మెల్యే వంశీకృష్ణ అన్నారు

విశాఖ మేయర్ పీఠం కోసం నరాలు తెగే ఉత్కంఠ!
విశాఖపట్నం :
జీవీఎంసీ మేయర్ పదవి నాటి కన్నా ఈ రాత్రి హాట్ టాపిక్‌ — విశాఖ రాజకీయ గాలి వేడెక్కింది. మలేసియా నుంచి వచ్చే ఓ ప్రత్యేకమైన విమానం పై రెండు పార్టీల నేతల్లో ఊపిరి పట్టేసే ఉత్కంఠ.
ఈరోజు రాత్రి 11.30కి ల్యాండ్ కావాల్సిన విమానం అరగంట ఆలస్యం కావడంతో టెన్షన్ డబుల్ అయింది. ఎవరు దిగుతారు? ఎవరు మిస్ అవుతారు? అన్న దానిపై సస్పెన్స్ కొనసాగుతోంది.
👉ఎయిర్‌పోర్టు పరిసరాలు ఇప్పటికే హౌస్ ఫుల్! కార్పొరేటర్ల రాక కోసం పార్టీ కేడర్ హోరెత్తుతోంది. ఈ సీన్ అంతా చూస్తే బహిరంగంగా రాజకీయ నాటకం లా ఉంది.
✍️కూటమిలో టెన్షన్ మితిమీరింది. అవిశ్వాస తీర్మానం ఓటింగ్‌కు ముందు ఈ డెవలప్‌మెంట్లు ఉత్కంఠను మరింత పెంచుతున్నాయి. వైసీపీ వర్గాలు అయితే “అవిశ్వాసం కూలిపోవడం ఖాయం” అంటూ ధీమా వ్యక్తం చేస్తున్నాయి.
👉కార్పొరేటర్లను టూర్‌కు పంపిన నాయకులు లక్షల రూపాయలు ఖర్చు పెట్టినట్లు సమాచారం. రేపు జీవీఎంసీ సమావేశానికి ఏయే కార్పొరేటర్లు హాజరవుతారు? ఎవరు రారు? అన్నది పొలిటికల్ సర్కిల్‌లో హాట్ డిబేట్.
✍️రాష్ట్ర రాజకీయంగా హైవోల్టేజ్ సన్నివేశంగా మారిన ఈ సంఘటనకు భద్రతా వ్యవస్థ కూడా హై అలర్ట్. సీపీ ఆదేశాలతో ఇప్పటికే 500 మందికి పైగా పోలీసులు ఎయిర్‌పోర్ట్ చుట్టూ బందోబస్తు ఏర్పాటు చేశారు.
విశాఖలో రాత్రి రాజకీయ వేడి గరిష్ట స్థాయికి చేరింది!