కొండకర్ల ఆవ కు చేయూత ఇద్దాం #vvwnews #visakhanews

by vvwnews.com

కొండకర్ల ఆవ కు చేయూత ఇద్దాం
– చేపలవేట తో జీవించే వారికి టార్ఫాలిన్ లు పంపిణీ
– డాక్టర్ ఇర్ఫాన్, నేషనల్ ప్రాజెక్ట్స్ మేనేజర్,
ఏక్షన్ ఎయిడ్ కర్ణాటక ప్రోజెక్ట్స్
కొండకర్ల ఆవలో చేపలు పట్టుకుని జీవించే వారికి చేయూత ఇద్దాం అని ఏక్షన్ ఎయిడ్ కర్ణాటక ప్రోజెక్ట్స్ నేషనల్ ప్రాజెక్ట్స్ మేనేజర్ డాక్టర్ ఇర్ఫాన్ పేర్కొన్నారు. బుధవారం ఉదయం అనకాపల్లి జిల్లా అచ్చుతాపురం మండలం కొండకర్ల లో చేపలు పట్టుకుని జీవించే వారికి టార్ఫాలిన్ లు పంపిణీ చేశారు, అలాగే అక్కడ ఔషధ గుణాలు కలిగిన మొక్కలు నాటిన అనంతరం ఆయన మాట్లాడారు. కొండకర్ల ఆవలో చేపలు పట్టి జీవిస్తున్న వారికి, విశాఖపట్నం మేఘాద్రిగెడ్డ లో చేపలు పట్టి అమ్మి జీవిస్తున్న వారికి చేయూత ఇవ్వడానికి తాము ప్రయత్నం చేస్తున్నామన్నారు. ఆవ చుట్టూతా పండ్లు, ఔషధ జాతి, పక్షులు గూళ్ళు పెట్టుకునే మొక్కలు నాటి పెంచేందుకు కృషి చేస్తున్నామన్నారు.
ఈ కార్యక్రమంలో కొండకర్ల ఆవ ఇన్ ల్యాండ్ ఫిషర్ మేన్ అసోసియేషన్ అధ్యక్షులు ఎం రమణ అప్పారావు, కార్యదర్శి నాగేశ్వరరావు, పలువురు మహిళలు, ఏక్షన్ ఎయిడ్ కర్ణాటక ప్రోజెక్ట్స్ సంస్థ హెచ్ ఆర్ డి ఐ కృష్ణ కుమారి, గ్రీన్ క్లైమేట్ టీం ఎన్జిఒ వ్యవస్థాపక కార్యదర్శి జెవి రత్నం తదితరులు పాల్గొని మాట్లాడారు.

Use Social Media to Spread the Word about Our News

related articles