ఓయాసిస్ ఫెర్టిలిటీ ఆధ్వర్యంలో ‘జనని యాత్ర’ ప్రారంభం
విశాఖపట్నం:
దేశంలో 16 సంవత్సరాలుగా నమ్మకమైన ఫెర్టిలిటీ నిపుణులుగా నిలిచిన ఓయాసిస్ ఫెర్టిలిటీ, రెండో విడత ‘ఓయాసిస్ జనని యాత్ర’ అనే దేశవ్యాప్త ఫెర్టిలిటీ అవగాహన కార్యక్రమాన్ని
సోమవారం విశాఖపట్నం నుండి ప్రారంభించింది.
ఈ కార్యక్రమానికి ఎమ్మెల్యేలు గంటా శ్రీనివాస్, వంశీ శ్రీనివాస్ ముఖ్య అతిథులు గా హాజరయ్యి జననీ యాత్రను ప్రారంభించారు. ఈ సందర్భంగా వారు మాట్లాడుతూ సమాజ స్థాయిలో ఆరోగ్య అవగాహన పెరిగితే దేశం మరింత బలపడుతుందన్నారు. ‘ఓయాసిస్ జనని యాత్ర’ ఫెర్టిలిటీ ఆరోగ్యం గురించి ప్రజలకు అవసరమైన సమాచారం తీసుకెళ్తున్న విలువైన కార్యక్రమం అని, ప్రజలకు అవగాహన కల్పించడంలో ఓయాసిస్ ఫెర్టిలిటీ చేస్తున్న కృషిని అభినందించారు. ఓయాసిస్ ఫెర్టిలిటీ రీజినల్ మెడికల్ హెడ్ & ఫెర్టిలిటీ స్పెషలిస్ట్ డాక్టర్ రాధిక పొట్లూరి మాట్లాడుతూ
ఈ ప్రచార ఉద్యమం స్థానిక సముదాయాలకు ఫెర్టిలిటీ అవగాహనను కల్పించి, తల్లిదండ్రులవాలనే ఆశ దిశగా మొదటి అడుగు వేయడానికి సహాయం చేయడమే లక్ష్యం తో ప్రారంభమైందన్నారు.
ఆంధ్రప్రదేశ్‌లో ఫెర్టిలిటీ రేటు 1.5కి పడిపోవడం, ఇది 2.1 రీప్లేస్‌మెంట్ స్థాయికి చాలా తక్కువ, ఈ నేపథ్యంలో వంధ్యత్వం కీలకమైన సమస్య అయినప్పటికీ పక్కన పడిన ప్రజారోగ్య సమస్యగా మారిందన్నారు. ఫెర్టిలిటీ చికిత్స కోసం చాలా కుటుంబాలు దూర పట్టణాలకు ప్రయాణించాల్సి రావడం, ఆర్థిక, భావోద్వేగ, కాలపరమైన ఇబ్బందులను తీసుకొస్తోందని, ఈ నేపథ్యంలో సమీప ప్రాంతాల్లో నాణ్యమైన ఫెర్టిలిటీ సేవలు అందుబాటులో ఉండాలి అన్న అవసరాన్ని ఈ కార్యక్రమం మరింత స్పష్టంగా చూపుతోందని చెప్పారు.
ఓయాసిస్ జనని యాత్ర’ సమాజాల్లో వంధ్యత్వానికి దారితీసే కారణాలు మరియు జీవనశైలిలో చేయాల్సిన మార్పులపై అవగాహన కల్పించే ఒక ప్రత్యేక ఉద్యమం అని, మొబైల్ క్లినిక్ ద్వారా
అనుభవజ్ఞులైన ఫెర్టిలిటీ నిపుణులతో ఉచిత కన్సల్టేషన్లు, మహిళలకు ఉచిత ఏఎంహెచ్& హీమోగ్లోబిన్ పరీక్షలు, పురుషులకు ఉచిత వీర్య పరీక్ష, పరిశుభ్రమైన, సురక్షిత శాంపిల్ కలెక్షన్ జోన్లు అందించబడుతున్నాయన్నారు. ఈ యాత్ర ప్రారంభోత్సవంలో భాగంగా వాక్‌థాన్ కూడా నిర్వహించారు. వంధ్యత్వంపై అవగాహన పెంచడం, ఆధునిక సైన్స్ ఆధారిత ఫెర్టిలిటీ చికిత్సల ప్రాముఖ్యతను వివరించడం లక్ష్యంగా ఈ వాక్‌థాన్ జరిగింది. ఈ కార్యక్రమంలో ఓయాసిస్ ఫెర్టిలిటీ ప్రతినిధులు పుష్కరాజ్ షెనై, డాక్టర్ దుర్గా జీ రావు తదితరులు పాల్గొన్నారు.