రఘు ఫార్మశీ కళాశాల విద్యార్థులు నగరంలో ర్యాలీ !! #vvwnews

64వ జాతీయ ఫార్మశీ వారోత్సవాలను పురస్కరించుకొని రఘు ఫార్మశీ కళాశాల విద్యార్థులు నగరంలో ర్యాలీ నిర్వహించారు. విశాఖ మహా నగర పాలక సంస్థ వద్ద నున్న రఘు క్యాంప్స్ నుంచి గాంధీ విగ్రహం వరకు విద్యార్థిని విద్యార్డులు ప్లకార్డులు ప్రదర్శిస్తూ ప్రదర్శన చేశారు. ప్రజలకు అవగహన కల్పిస్తూ కరపత్రాలను పంపిణి చేశారు. ఈ సందర్భంగా కళాశాల ప్రిన్సిపాల్ డాక్టర్ జగదీష్ పండా మాట్లాడుతూ.. ప్రతి ఏటా నవంబర్ మూడో వారంలో ఫార్మశీ వారోత్సవాలను ఘనంగా నిర్వహిస్తున్నట్టు తెలిపారు. ప్రపంచవ్యాప్తంగా ఫార్మసిస్ట్లు రోగులకు సురక్షితమైన, ప్రభావవంతమైన మందులను, ఆరోగ్య సేవలు అందించడంలో కీలక పాత్ర పోషిస్తారన్నారు. టీకాల పై అవగహన, వ్యాధి నివారణ, ఆరోగ్య అవగాహన పెంపుదలలో కూడా ఫార్మసిస్ట్లు సేవలు నిరూపమానం అన్నారు. వారోత్సవాలు సందర్బంగా కళాశాలలో విద్యార్థులకు వివిధ కార్యక్రమలతో పాటు సాంస్కృతిక కార్యక్రమాలను నిర్వహించారు. ఈ ర్యాలీలో ప్రిన్సిపాల్ జగదీష్ పండా, డాక్టర్ పద్మజా, డాక్టర్ రమాదేవి పండా శిరిషా, ఎన్ సీసీ కోఆర్డినేటర్ రమణమ్మ, ఉపాధ్యాయులు, కళాశాల విద్యార్థులు పాల్గొన్నారు.